Need Help ?
Call: +977- 065560105

जिल्लाको बारेमा

स्वागत छ जिल्ला शिक्षा कार्यालय तनहुँमा !!!

नेपालका ७७ जिल्लामध्ये एक जिल्लाको रुपमा रहेको तनहुँ जिल्ला परिवर्तित संरचना अन्तर्गत गण्डकी प्रदेशअन्तर्गत पर्दछ । यो जिल्ला राजधानी काठमाडौंबाट ११० कि.मि. पश्चिम र पोखराबाट ४९ कि.मि. पूर्वमा अवस्थित छ । यस जिल्लाको सदरमुकाम दमौली रहेको छ । यो जिल्ला करिब १५४६ वर्ग किलोमिटर क्षेत्रफलमा फैलिएको छ । समुद्र तहबाट न्यूनतम २०० मिटर र अधिकतम २३२५ मिटर उचाईमा रहेको यो जिल्ला अक्षांश २७0७४" उत्तर देखि २८0१३" उत्तरसम्म र देशान्तर ८३0९४ पूर्व देखि ८४0५६" सम्म रहेको छ ।

साविकमा नेपाल सरकार, शिक्षा मन्त्रालय तथा शिक्षा विभाग अन्तर्गत शिक्षा कार्यालय तनहुँ सदरमुकाम दमौलीको व्यास नगरपालिका वार्ड नं. २ मा पृथ्वी राजमार्बागबाट करिब २०० मिटर दक्षिणमा अवस्थित छ । हालैको परिवर्तित संरचनाअनुसार यो कार्यालय जिल्ला प्रशासन कार्यालय, शिक्षा विकास तथा समन्वय इकाइको रुपमा रहेको छ । यस अन्गर्गत १७ वटा स्रोतकेन्द्रहरु रहेका छन्  भने ३४७ वटा वाल विकास केन्द्र तथा २१ सामुदायिक अध्ययन केन्द्रहरु रहेका छन् । सामुदायिक तथा संस्थागत गरी करीब ७०० विद्यालयहरु यस जिल्लामा अवस्थित छन् ।